Етер иште янмагъа.
Коктебельде шенълен!
Тюркиеде шишмек?
Коктебельде – яшайыш!
Къаерде эр шей кирсетильген?
Коктебельде эр шей кирсетильген!
Коктебельни сынап бакъ
– реаль яшайыш!
Биз джан сыкъысынынъ къатиллери!
Коктебельге кетемиз. Сен бизнен?
Стереотиплерге бакъма!
Акъикъий джаз – Коктебелеьде!
Стереотиплерге бакъма!
Акъикъий джаз – Коктебелеьде!
Пётр Востоков

Пётр Востоков реберлигинде буюк джаз оркестри

Боразанджы Пётр Востоков Москвада догъды, Гнесинлер адыны ташыгъан Русие музыка академиясыны битирди, До#Дж-2007 фестивалининъ (Донецк, Украина) лауреаты ве «Новое поколение» (2010) VII Умумрусие джаз музыка иджраджылары ярышынынъ лауреаты сайыла.

Бундан гъайры о Open World американ-рус тасиль программасында иштирак этти, онынъ черчивесинде Lionel Hampton International Jazz Festival-инде Америка Къошма Штатларында 2006 сенеси чыкъышта булунды. Пётр бунынънен берабер бир къач керелер энъ гузель рус джаз коллективлери иле ишбирлик корьди, оларнынъ арасында Анатолий Кролнынъ «Академик-Бэнд», Игорь Бутманнынъ биг-бенди, Олег Лундстремнынъ адыны ташыгъан джаз музыкасынынъ девлет камера оркестри, Алексей Козловнынъ «Арсенал»ы, Виктор Епонешников, Иван Фармаковский ве Вагиф Садыхов кибилернинъ ансамбллери.

2010 сенеси джаз йырджысы Дарья Антонова ве Пётр Востоков «Буюк джаз оркестри»ни яраттылар, о шу сене октябрьде Меркезий журналистлер эвининъ санасында ильк сефер чыкъышта булунды. 2011 сенеси олар «Усадьба-Джаз» адлы яш иджраджылар арасында халкъара ярышында гран-при къазандылар ве «Гнесин-Джаз» адлы яш иджраджылар арасында биринджи халкъара джаз фестивалинде лауреат олдылар. 2012 сенеси оркестр учь буюк рус джаз фестиваллеринде иштирак этти: «Все цвета московского джаза», «Джаз в саду "Эрмитаж"» ве «Российские звёзды мирового джаза».

Оркестр иджра эткен эсерлернинъ эсасыны 1920-1960 сенелернинъ аньаневий джаз музыкасы тешкиль эте. Музыканынъ аутентик анъгъырамасыны яратып, озгюн партитураларны ве эски алетлерни къулланып, оркестр озь динълейиджилерине екяне, текрарланмаз программаларны такъдим эте, олар оркестр джазы къоджаманларына, Дюк Эллингтон, Джимми Лансфорд, Диззи Гиллеспи, Клод Торнхилл киби ве дигерлерге багъышлангъан.

Пётр Востоков реберлигинлеки оркестр теркибине яш ве истидатлы фикирдешлер кире, олар Гнесинлер адыны ташыгъан Русие музыка академиясы киби ве П.И.Чайковский адыны ташыгъан Москва Девлет Консерваториясы киби Русиенинъ белли юкъары окъув юртларынынъ студентлери ве мезунлары, Москвада белли олгъан джаз биг-бендлернинъ солистлери, чокътан-чокъ джаз ярышларынынъ ве фестиваллерининъ лауреатларыдыр.