-
Бутюн йылдызлар
Бакъмакъ
Albare. Only Human
Альбомнынъ ады ве джылтны чешит ыркъ ве халкъ векиллернинъ портретлернен ресмийлештирильгенини онынъ яратыджынынъ австралия гитараджынынъ ве бестерярнынъ Элбейр Дэйдонынъ ёлламаны ачыкъ япалар. О Мароккода догъды, Исраильде ве Францияда осьти ве 27 яшында Австралиягъа кочьти: «Биз эпимиз бири- биримизге ошамаймыз ве башкъа тюрлюмиз ». Дюнья балабан ве чешит тюрлю ве сейяренинъ эр бир сакини меракълы ве урьметке ляйыкъ».
Дэйдон тамам Австралияда ерли джаз санада муим шахс олды тек чалгъыджы дегиль, эм де тешкилятчы киби. О Мельбурндаки Халкъара джаз фестивальнинъ эсасчысы оларакъ чокъ йыллардан берли реберлик япа. 2008 сенеде Аавстралия медениети огюнде ярарлыкъ ичюн Австралия орденнен наиль этильген эди.
Амма бойле чокъханели фаалиет Элбейрге озь яратыджылыкънен огърашмакъ кедер этмей. О Only Human да миллетлерара теркипнен язды. Онынъ квартетине пианоджы Аксель Тоска Логар ве басист Джуниор Терри, экисининъ де аслы кубалы, ве венесуэлладаки давулджы Пабло Бенсид кирди. Эсасен чалгъыжылар Нью-Йоркта яшайлар. Логарнынъ треклернинъ биринде клавиатурада италиялы Фил Турчо ерини алды. О Элбейрнынъ чокъ музыкаль проектлери боюнджа эски шериги эди.
Бутюнлей альбомнынъ программасы чешит тюрлю олып чыкъты. Умумен, бу музыканы земаневий, енгиль, smooth jazz тарафына акцентынен, алгъыгъа енгиль олгъан фьюженнынъ вариантына алып бармакъ мумкюн. Затен, муэллиф альбомнынъ эсас макъсатны башкъасында корьди. «Бу альбом — парлакъ музыкаль яратыджылыкъ, бизни эпимизни адам япкъан негиздир», — бойле Элбейр озю яза.