Artyom Manukyan. Citizen

Бугунь виолончельде виртуоз ойнагъаны себептен Артём Манукян Лос-Анджелесте темелли ерлешти ве АКъШнынъ музыка санасында озь уникаль ерини тапты.

Бир къач йыл о джаз ве хип-хоп-сананынъ энъ эйи усталарнен чалышты, оларнынъ арасында Питер Эрскин, Гретчен Парлато ве DMC олдылар. Вирджил Донатинен онынъ In This Life альбомгъа язылгъан партияларны Артём бир озю иджра эте биле эди. Ниает, Манукян озь дебют альбомны чыкъармакъ къарарына кельди — Citizen, 2015 сененинъ 18 июнь куньде онынъ релизи олды.

Язылувда иштиракъ этмеге о чокъ белли чалгъыджыларны чагъырды, оларнынъ сырасында: Тигран Амасян, A.Chilla, Тим Лефебвре, Джамир Уильямс, Трой Зайглер, Арто Тунчбояджян, Марк де Клив-Лоу, Ваагн, Мигель Атвуд-Фергюсон ве Вардан Овсепян да альбомнынъ эки треклерни язмакъ ярдым этти, къалгъан секиз треклерни исе Артём озю язды.

Альбом кимнен язылгъаны биринджи ноталарындан белли ола. Сиз эзберленген сёзлерни, типик гармонияларны эшитмеджексинъыз — альбом 100% бутюнлей муэллифнидир, эр бир нотада, эр бир сесте Артёмны эшитмек мумкюн.

Лаф тек онынъ кейфиетли виолончелинде ойнагъан услюби акъкъында кетмей, бу альбом — Артёмнынъ аятнынъ акисидир. Мында эм де чалгъыджынынъ академик кечмиши акъкъында эшитмек мумкюн, эм де онынъ хип-хопнен меракълангъаныны, эрмени медениетнинъ этник мотивлернен кейфленмек ве муэллифнинъ джазгъа атешини ве аяткъа, озь къорантасына севгисини ис этмек мумкюн. Язылманы динълегенде озь аятнынъ тарихны икяе эткен меракълы адамнен къонушкъаны киби теэссурат пейда ола. Бу альбомгъа озюне хас, махрем хусусиетни бере.

Citizen, эмиетликнен намуслы ве ачыкъ музыканы бегенгенлерге келишеджек. Джазнен, хип-хоп элементлернен этник музыканынъ кейфиетли къарыштырмасы — бу бус-бутюн янъы бакъыш.