International Jazz Quintet

— мешур америка джаз йырджы Дебора Браун. АКъШ Канзас-Сити — шанлы джаз аньанели шеэринде догъды.

О карьераны классик вокалист оларакъ башлады ве опера фыркъасыны, къоюлгъан сопраноны ве виртуозлы джаз вокалны бирлештирип къолайнен иджра эте биле. Дебора Браун джаз классиканы, бродвей мюзиклларнынъ лириканы ве озь озьгюн композицияларны иджра эте, амма биринджиден о озь аджайип вокал импровизация истидатынен беллидир. Дебора бу бильгинен алидженаплыкънен пайлаша — чокъ йыллардан берли о фааль суретте дерс бере ве бутюн дюньяда мастер-классларны бере.

Дебора Браун 11 шахсий альбомларны язды, эр вакъыт АКъШда, Японияда, Латин Америкада, Индонезияда, Русиеде ве Авропада гастроллерни булуна. Оны дюньянынъ 50ден зияде мемлекетлерде алгъышладылар.

Яков Окунь — ихтисасий джаз муитинде энъ сайгъылы адамлардан биридир. Несилли джазмен, пианиноджы, огъа Criss Cross америка лейблте озь музыканен альбомны чыкъармакъ теклиф этильгени ичюн о биринджи русие чалгъыджы олды. Альбом АКъШда язылды ве 2011 йылда чыкъты.

Фааль музыкаль аятнынъ сонъки 10 йыл девамында Русиеде гастоллерде булунгъан америка чалгъыджылар арасында ве земаневий джаз мэйнстримнынъ векиллеринде о пек яхшы итибарны къазанды. Олар эписи тамам Яков Окуньнынъ «МосГорТрионен» чыкъышта булунмакъ истейлер. Оларнынъ арасында саксофонистлер Лу Табакин, Джеймс Сполдинг, Джонни Гриффин, Крэйг Хэнди, Донни Маккаслин, Джимми Грин, боразанджылар Эдди Хендерсон, Джереми Пелт, Алекс Сипягин ве вокалистлер — Джакомо Гейтс, Сачал Васандани, Мишель Волкер ве, эльбетте, Дебора Браун бар.

Яков ве Дебора даа 1990 сенеде Сочиде олгъан биринджи Халкъара джаз фестивальде таныш олдылар, Добора анда эфсаневий Олег Лундстремнинъ оркестрнен йырлады. О вакъытта огъа Яковнынъ бабасы — белли пианоджы рефакъат этти. Амма Яков 10 йылдан сонъ Дебора Брауннынъ Россиеде гастроль турнеде иштирак этти ве бу вакъыттан берли оларнынъ достлугъы токътамады.

Бу йыллар девамында олар чокъ русие шеэрлерни айлянып чыкътылар, оларнынъ сайысында Москва, Краснодар, Пермь, Тюмень, Ханты-Мансийск, Владимир, Вологда ве Екатеринбург бар. Оларны Москвадаки девлет консерваториясынынъ Балабан залында, Тель-Авивде олгъан концертлерде, Абхазияда олгъан «Хибла Герзмава приглашает» фестивальде (анда Дебора Хиблонен бир къач гузель дуэтлерни йырлады) буюк къуванчнен къаршыладылар.

Келеджек Koktebel Jazz Party фестивальде Яков Окунь ве Дебора Браун кене де берабер International Jazz Quintet теркибинде чыкъышта булунаджакълар. Оларгъа да къошуджакълар:
— Джереми Пелт Американынъ энъ белли боразанджылардан биридир;
— мешур рус саксофонист Сергей Головня;
— Гронингендте (Фелеменк) Prince Claus Conservatory джаз болюкнинъ мудири, контрабасист-виртуоз Йорис Типе;
— Римде (Италия) Santa Cecilia Консерваторияда джаз давуллар болюк кафедранынъ мудири Роберто Гатто.

International Jazz Quintet махсус Koktebel Jazz Party ичюн топлангъан, амма келеджекте, бельким, о къаладжакъ. Фестивальде адамлар озьгюн ве муэллиф аранжировкаларда такъымнынъ чалгъыджылардан америка джазнынъ классиканы эшитерлер.

Фоторесим: Ира Полярная