-
Бутюн йылдызлар
Бакъмакъ
Sasha’s Bloc. Heart On Fire
Heart On Fire — Sasha's Bloc коллективининъ экинджи альбомы, онынъ ребери Александр Гершман ола. Ансамльнинъ озь хусусиети бар — Sasha's Bloc озь теркиби иле нонет такъдим эте: я буюк комбо, я да кучюк бигбэнд.
Мында къавий рухий болюк такъдим этильген, онынъ янъгъыравыны кимериде буюк оркестр иле адаштырмакъ мумкюн. Хусусан боразанджы Кай Палмерни ве тромбонджы Боб МакЧеснини айырмакъ мумкюн. Везин болюги ондан къалышмай. Айры треклерде ансамбльнинъ сес чешитлигини аккордеон, банджо ве боразан кенишлетелер. Ресмен коллективде бир йырджы — Нора Ротман, лякин бу дискнинъ язылувы ичюн мусафир вокалджылар да давет этильген эдилер, оларнынъ арасында Джейн Монгейт ве Элвина Чиа.
Деерлик эписи эсерлерни Александр Гершман уйдурды, ве олардан тек учю ишбирликте язылгъан эди, амма эр бири 1920-1940-нджы сенелердеки Янъы Орлеан ве Чикаго рухуны ташый. Heart On Fire услюп джиэттен баба-бала Пиццарелли, Боб Уилбер, Дик Хаймен ве дигерлернинъ музыкасына якъын, олар классик джаз аньанелерининъ инкишафыны девам этелер.
Альбомда бутюнлей чалгъы пьесасы олгъан екяне эсер — The Duke, о улу Дюк Эллингтонгъа багъышлангъан. Сёз сырасы, бу дисктеки екяне трибьют дегиль — Lonely Day in Paris Фрэнк Синатрагъа багъышлангъан, Manhattan исе — Вуди Алленге.
Heart On Fire энъ юксек севиеде мутехассызджа этильген. Хирург ве чалгъыджы Александр Гершман — озь эки зенаатында да акъикъий устадыр.