-
Бутюн йылдызлар
Бакъмакъ
Rainer Böhm, Norbert Scholly. Juvenile
Дуэт — гъает хусусий формат, чюнки онынъ ёлбашчысыны я да артта къалгъанны айырмакъ мумкюн дегиль. Гузель музыкаль тандемде эр вакъыт шериклернинъ тенъ къийметлиги, бири-бирлерини бутюнлей анълав, якъын телепатик багъ укюмсюре.
Райнер Бëм ве Норберт Шолли — юксек севиели дуэтнинъ парлакъ нюмюнесидир. Алман чалгъыджылары якъын он йылдан берли танышлар, чешит такъымларда берабер чокъ кере чалдылар. Учь йыл эвельси оларнынъ берабер лейхасы дюньягъа кельди, Juvenile онынъ дебют альбомы олды.
Дискте сиз тек муэллиф музыкасыны эшитерсиз (тек сонъки трек бундан истисна). Эсерлер тек везин ресимлернинъ чешитлигинен дегиль де, эм де озь аэнкли-эзгили тертибаты иле айырылалар. El Cielo эсери озь индже латин «къокъусынен», Dance In Seven — ички фаджиалыгъынен ве самимий драйвнен айырылалар.
Умумен Juvenile альбомыны индже, акъыллы камер джазынынъ парлакъ нюмюнеси киби тасвирлемек мумкюн, мында фортепьяно ве гитара бир-бирини эшителер ве бир-бирине къол туталар.